Sipas kësaj ministrie, licencën e ka fituar kompania norvegjeze Petrolium-Geo-Services, e cila do të mundësoje gjetjen e karbohidrateve në det, falë teknologjive më moderne që kjo kompani disponon. Anija e parë kërkimore quhet “Nordic Explorer”. Ajo do të nisë kërkimet në terren mëngjesin e së hënës në zonën veriore te Jonit, pikërisht në pjesën që Shqipëria i fal Greqisë me paktin e detit të firmosur prej dy qeverive, por të hedhur poshtë me vendim të Gjykatës Kushtetuese së Shqipërisë.
Kjo marrëveshje nuk është marrë mbrapsht kurrë prej Greqisë, e cila thotë se do ta zbatojë në terren sipas hartës së rënë dakord midis palëve, derisa ajo të zëvendësohet me një marrëveshje të re që palët do të bien dakord ta implementojnë. Pak kohë më parë, Top Channel zbuloi se është përgatitur drafti i një marrëveshje të re, e cila nuk prek në thelb të paren, duke i lënë Greqisë një sipërfaqe 200-250 kilometra katrorë det më shumë, pikërisht në zonën që tashme Greqia ka tenderuar për kërkimin e naftës dhe gazit. Burime nga Ministria e Jashtme i thane Top Channel se në varësi të rezultatit të kërkimeve do të negociohet me Shqipërinë për këtë pakt. Padyshim që interesi grek do te bjerë nëse në këtë zonë nxjerrja e naftës dhe gazit do të kenë kosto të lartë, thane burimet. Sipas Ministrisë Greke të Zhvillimit, ekspertët e fushës shprehen se në Jon dhe Kretë gjenden sasi të mëdha nafte, që llogariten në miliarda fuçi.
Nuk ka komente:
Posto një koment