Merkel Neser Viziton Zemren E Eurokrizes

Qëndrime të ndryshme shpreh shtypi gjerman, rreth vizitës së Kancelares Angela Merkel në Greqi. Gazetat gjermane, me tituj nga më të ndryshëm, shkruajnë përgjithësisht se vizita e Merkel në Athinë, nuk pritej në këtë kohë.

"Merkel guxon të shkojë në Greqi", "Merkel në zemër të eurokrizës", "Udhëtim në kohë të gabuar", "Protesta të mëdha kundër Merkel në Athinë", "Shpresa të mëdha nga vizita e Merkel", "Kancelarja viziton fëmijën problematik të BE", janë disa nga titujt më të dallueshme të gazetave gjermane.

Revista “Focus” shkruan se "Kancelarja Merkel udhëton për në Athinë në preambulën e vendimit të Trojkës për ndihmën e vazhdueshme. Kjo është vizita e saj e parë në Greqi, që nga fillimi i krizës. Kryeministri Antonis Samaras ka shpresa të mëdha nga kjo vizitë."

Në të kundërt, gazeta “Rundschau Frankfurter” është mjaft kritike. "Deri më tani kancelarja Merkel nuk e kishte konsideruar të nevojshme për të vizituar vendin e krizës. Merkel flet për Greqinë, vazhdimisht dhe kudo; është takuar me Ministrave Kryeministri grek në Berlin, Bruksel, Kanë dhe gjetkë, por nuk e gjeti kurrë rrugën drejt njerëzve të prekur nga kriza kurrë nuk e gjeti atë. Vizita e Merkelit në Athinë nuk do ta ndryshojë jetën e tyre të përditshme”, shkruan kjo gazetë.

"Stuttgarter Zeitung", dhe pse kritike, shprehet më butë: "Kushdo që dëshiron të kupttojë se sa i vogël është vendi i vet, duhet të udhëtojë. Kushdo që dëshiron të matë sa e shkurtër është koha, duhet të studiojë historinë", shkruante dikur Kurt Toucholski. Kjo është koha që Kancelarja të informohet në lidhje me problemet e Greqisë dhe të përpiqet të heqë tonet nacionaliste në të dyja anët. Në frymën e Kurt Toucholski, Merkel mundet të mësojë nga historia. Greqia ishte djepi i qytetërimit në Evropë. Gjermanët edhe për shkak të Luftës së Dytë Botërore kanë përgjegjësi të mëdha ndaj Greqisë. Prandaj dhe vizita e Merkel është e lidhur edhe më shumë me detyrimet dhe angazhimet ndaj euros".