Sipas saj, politikanët katalanas janë duke punuar aktualisht për krijimin e një “Katalonie të Madhe”, e cila do të përfshijë pjesë të ishujve Baleare, rajonin e Valencias dhe mbase edhe disa krahina kufitare me Francën.
Deklarimi i pavarësisë është planifikuar të ndodhë në vitin 2014, nëse gjatë kësaj kohe nuk do të gjendet një konsensus i përbashkët me Madridin zyrtar.
Në dritën e fakteve, ka pak gjasa që lëvizja separatiste katalanase të gjejë kompromis me qeverinë qendrore dhe për këtë arsye qeveria lokale e Barcelonës mund të deklarojë pavarësinë, siç bëri Kosova në vitin 2008.
Nëse kjo do të ndodhë, do të jetë e rëndësishme për Kataloninë që të fitojë menjëherë disa njohje të rëndësishme ndërkombëtare, por ndonëse “precedenti kosovar” mund të përdoret për të shpallur pavarësinë e njëanshme, duket se ka pak gjasa që krahina të fitojë njohje të menjëhershme, transmeton Top Channel.
Katalonia po përballet me presione gjithmonë e më të mëdha separatiste, ndikuar nga ndjenja e fortë e përkatësisë kombëtare e popullsisë së rajonit dhe problemet e theksuara ekonomike të Spanjës.
Ndonëse është vetëm një prej 19 krahinave të Spanjës, Katalonia është më e pasura dhe dërgon në arkat e shtetit 20 për qind të prodhimit të brendshëm bruto të të gjithë shtetit.
Përballë krizës së thellë që po përjeton vendi, katalanasit gjithmonë e më shumë vlerësojnë si të padrejtë që paratë e tyre të shërbejnë për të mbajtur në këmbë një shtet që, siç thekson “La Stampa”, ata ndjejnë se nuk i përkasin.
Nuk ka komente:
Posto një koment